「娥六招」對樓市的影響

「娥六招」推出咗半個月，究竟市場發生咗咩事？

1. 居屋(綠表)成交有零星，價錢有較大減幅嘅成交，

2. 私樓上車盤續有破頂成交，

3. 新盤賣得幾好，雖數目唔多，但推出單位差唔多沽清

當六招一推出，大家嘅反應係”政府真係做嘢wor”。特別係想上車嘅朋友，雖然由鬍鬚曾時代開始已經被呃了三五七年，但係都繼續ff新措施可以推低個市。

林鄭講明總供應冇增加，只係增加資助房屋供應。即係話:

1. 有資格排公屋嘅，恭喜你可能可以比之前快小小時間上到樓，

2. 有資格抽居屋嘅你，如果咁好彩有機會抽到，恭喜你可以用較低價錢買到居屋，

3. 收入過咗公屋居屋嘅你，仆街啦，六招其實係踩多你一腳。識經濟學嘅，都明白需求無變，供應下跌，會有咩後果。

生菜覺得呢d措施只係政治show ，仲要係上任一週年前夕。話俾市民同阿爺知，自己真係做咗嘢。樓價要跌，一定要經濟轉差，股市大冧或者利息上升得極快。假如呢啲情況真係發生，樓價下跌，林鄭可以因為呢樣野攞Credit，不過將會有更加多嘅事情需要佢解決，大家應該都唔會想發生😞