樓市幾時先有黑天鵝?

講左十年話D 樓會跌，講到口臭CCL 都係日日破頂。由Ｄ所謂專家年年話Ｄ樓會跌兩三成，搞到全城轉軚，人人唱牛，變哂大好友。而家好似除左樓市出現黑天鵝之外，都無乜機會會有大覆回調。咁何謂黑天鵝呢? 其實天鵝事件係指不可預測的重大事件。佢好少發生，但一黎，就大家聽攬炒勒。咁生菜又點樣睇邊樣最有機會係黑天鵝呢?

加息速度快過預期

唔少上車既朋友靠發展商既按揭計劃幫手，其中一般低息期係有年限。過左年限之後，如果樓市升覆不如預期，甚至出現下跌，供樓既成本就會上升，當初計掂條數，幾年後未必可行，除時斷供收樓得不贘失。當呢樣野大量出現，市場信心不足就會有機會對樓市有重大影響。

失業率上升

而家樓市暢旺，實在有賴直逼全民就業既失業率。九七大家咁慘情，好多時就係失業導至供唔起層樓，加上負資產根本賣樓都贖唔到身。所以只要失業率無重大改變，就好難有條件做成重大下調。

地緣政治風險

地緣政治風險除左朝鮮問題，仲有中印關係，南海控制權爭嗌，呢Ｄ問題日久有之，大家都對佢地視而不見，但係政治既野就係無人估到，有朝一日擦槍走火，後果就自然不堪切想。

中國經濟轉差

中國ＧＤＰ由2000開始增速持續加快，己經成為全球第二大經濟體系，而亦都成為香港樓市最大動力。但係隨住特朗普上場以及佢實行既保護主義包括開增關稅，令局勢隨時失控滑向打貿易戰。要知道貿易戰係無嬴家，美國1920大蕭條亦係由關稅開始。中國ＰＫ既，覆巢之下安有完卵，香港樓市亦都唔會有好結果。

不過正如生菜之前咁講，你係淡友既，就算聽日下跌３成，你都仲係覺得會繼續跌，升既時候又覺得係太貴，所以講到最尾都係睇自己銀包做人，計啱條數就好行啦！