生菜話你知，大富翁思考樓市

大富翁呢個遊戲，我相信人人都玩過。

玩具商Parker Brothers喺1935年11月5日開始發售大富翁遊戲。可能因為當時美國經歷緊經濟大蕭條，瞓街嘅、破產嘅大把，呢個遊戲嘅贏家就可以FF自己係有錢人，吸引越來越多人玩，慢慢就將呢個遊戲發揚光大。

大富翁遊戲嘅英文 – monopoly，即係經濟學入面嘅壟斷市場。字面已經解釋咗，喺大富翁遊戲入邊，壟斷者就會成為最後贏家。

幾百年前嘅大地主，到幾十年前嘅大富翁遊戲，都說明了土地嘅重要性。今時今日嘅樓市，似乎仍然行緊呢個道理：要生存就要土地，土地同房屋只係比有錢人去購買，若果你靠擲骰仔兜一圈去返起點先出一次糧，你會發現唔夠幾個圈，你已經破產。當然喺現實生活，你仲可以有其他選擇，好似黐住父母，食老綜等等…

大業主要善於利用金錢，唔可以用到盡，因為有時會俾人罰錢，有時又可能要坐監，都要留番啲💰💰傍身。大業主亦都唔可以賺到盡，因為好快就會逼死其他玩家game over。當然喺現實生活裏面，當一部份玩家死咗或放棄，就會有另外一批玩家的出現。大業主亦樂於賺盡佢哋每一分每一亳。

係現今嘅社會，除非你可以靠父幹、中六合彩、嫁個有錢人，如果唔係期望靠份糧去追趕資產的升值速度簡直係不切實際。真係靠實力累積財富而爬上頂層或創業成功真係萬中無一。

在阿爺不斷進步，人民生活質素改善情況下，經濟只會越嚟越好。你要記住，香港嘅樓係俾13億人買嘅，有能力者應盡快上車置業，唔好FF資產會大幅下調，俾你入市機會。

人生並唔可以好似遊戲中可以Reset重新來過，不如的起心肝諗辦法俾自己成為贏家💪🏻