生菜話你知 – 俾得起首期就應該買樓

買唔買樓，生菜一直認為買得起就應該買。就算覺得未來樓價只會微跌，都應該要買。

無論香港樓價幾貴，呢十年都好似坐咗火箭🚀咁只升不跌。用平均工資計算，差唔多不吃不喝二十年先買得起一層樓。

樓價完全冇跌過，係因為一個好簡單嘅經濟學原理，就係供不應求，而呢個問題係要一段時間先可以解決到。

住屋需求有很多種，其中一種係每年💑結婚數目。數據顯示，香港呢十年嚟每年結婚數目維持五，六萬宗。結婚後搬新居或換大屋都好正常吧。就算每年有兩萬幾宗離婚，都多左三萬對夫妻。萬一大吉利市離婚，你都唔會搬返娘家住啦。

不過睇睇住宅落成量便會明白點解供不應求，數據顯示，本港2014至2017年私人住宅落成量每年只有一萬一至一萬八伙。

運房局都表示未來三至四年，一手樓潛在供應會回落至九萬六伙，平均一年兩萬四伙，每年都出現咁大的需求，呢幾年儲埋左好多結婚兼且未買樓的人，潛在購買力會隨著時間累積。

生菜成日都會諗，揸住價值250萬元的新地股票，定係用250萬元首期買一個750萬元的住宅單位好啲？生菜都想外母請食🍗雞髀，所以都會支持🙋‍♂️後者。

就當樓價真係微跌，五年📉20%，齋俾租都俾左15%。租樓仲要有每年俾人趕走，加租嘅風險。唔係話俾得起就要租俾你，好多業主襯個市旺要交吉賣樓，租客冇得留低。

所以話，冇能力上車嘅，生菜祝福你搵多啲。有本事但仲係十五十六嘅，都係勸你早日做樓奴吧！！