識買樓一定係識計回佣

喺2015年《競爭條例》以前，地產代理公司收取的買賣佣金是樓價的1%，即是會收到業主及買家共2%的佣金。喺《競爭條例》生效後，地產代理公司唔可以合謀定價，1%的佣金行規消失，行內的競爭更加激烈，不過咁講，好多行家代理都係用1% 佣金做起點，你唔同佢特別提既話，佢都會收返你1%。

樓價高企影響下，其實咪睇少呢1%，而家d 上車盤都講緊五六百萬，大少少去到三房好多都過千，呢度就有成廿個架勒。不過咁講，你諗下而家乜野都貴，二手樓交投活躍度可想而知啦，好多時代理為促成一單生意，都會肯減少少，等大家單代易順利完成。

其實幫買賣相方議價係代理工作之一，我有朋友就為左確保代理用最大努力議價，直頭就將願意付出既總支出話畀代理聽，傾到幾多減價空間既，代理就收到幾多佣勒。

不過唔好以為剩係得二手會回佣，一手樓就算你唔使畀佣，其實都可以有回佣空間！個佣其實係發展商分出黎畀代理既。但係記得入票之前好同個代理傾掂數，並先簽好一份「回佣證明書」，就算唔知實數，都可先擬定比例。

入左票簽埋約之後先問人拎回佣，就如打死狗講價，一切都太遲啦！

不過咁講，代理都係靠d 佣開飯既 ，你試下聽日老細同你講以後六折出糧你會有D咩反應，所以索取回佣既同時，都盡理避免太過份，同埋做個爽快既買家，咁人家回畀你，都回得順手ｄ啦！