長實樓神料樓價再跌一成

長實（01113）執行董事趙國雄出席電台節目後表示，樓價已自高位回落逾1成，料今年樓價仍有調整，個人估計將有額外1成的跌幅。

趙國雄認為，貿易戰及世界經濟環境轉差，都會令本港經濟受壓，他估計今年樓價額計再跌約10%，由於未來有數千個細單位推出，預期該類單位樓價調整幅度可能更大。預期細單位調整幅度或更大。

早前金管局公布上季出現262宗負資產個案，趙國雄估計今年負資產宗數將有所增加，不過認為負資產不會比起「沙士」時期更多，若就業情況穩定，可支持市民供樓。他特別提到，過去採用高成數按揭的買家可能會面對較大供款壓力。

早前本港有地皮流標，趙國雄相信流標是基於政府與市場看法不同，並指該地區的位置較難形成商業氣候，令發展商入標時出價較保守。他強調，長實一直都有競投地皮，只是出價未必及其他發展商進取，未來亦會繼續投地。

趙國雄早前已看淡本港樓市，去年底趙國雄曾指出，今年整體樓價將下跌10%至20%，而一些偏遠地區的納米樓，由於供應過剩，有機會跌25%至30%。

《網民點睇👀》

😡派

47dogdog: 嘩你老闆呀，雄哥呢個廢淡，做到長實執董都做廢淡，咁樣唱衰自己d新樓？你隻日出康城新盤未賣架，未賣就唱定減10％，想夾死南豐個LP6呀？

Hellocean: 唔通趙樓神又係廢淡?
隔離成日推個汪種話天水圍賣唔少過650萬, 咁點算

🔢分析派

野人: 佢話高位會落已超過十個percent，今年預計再跌十個percent，不過呼吸plan细價樓仲跌得更多，咁即係差不多30個percent啦。

yrrah1: 買乜葫蘆弄乜藥?今年長實咁多新盤推出如果唔劈價咪自摑嘴巴？有利益衝突嘅地產商都話會跌 ，真係想買樓看來可以等等執平貨，早買早呻笨了!

Source:
https://goo.gl/jf6Upj

hkdiscuss